بسم الله الرحمن الرحيم
بعد السلام والتحية اخواتي فالله انا فلسطنية الهوية حبيت اقدم شي لبلدي لو كان هاشي مجرد كلمات وحبيت اخواني العرب يشاركوني
حبيت نصحى شوي ونعمل شي مفيد لو شي بسيط ... ممكن كلام ممكن رسم صور اي شي بس يكون لسبب(حب فلسطين). شي نابع من داخلنا ,مافي مشكلة لو الحكي كان بسيط لغة سهلة بعيدة عن المصطلحات الكبيرة الي ممكن ما تكون مفهومه لبعضنا شاركوني بمقالاتكم ارائكم ما بضرورة نحكي عربي فصيح ولا بضرورة نحكي فلسطيني .... بس الي بضرورة مواضيعكم تكون فلسطنية كل العرب بيحكو بنحب فلسطين ,وكل العرب وكل المسلمين بيحكو( القدس لنا) بس ما حدا بموت عشان فلسطين غير الفلسطنين!!!!!!!! مش عنصرية أنا بس بدي سبب! هلا كلكم راح تحكو الحكومة صح؟ خلاص عادي انسو الموضوع ما بدنا منكم غير الدعاء ولي عندو شي لفلسطين يكتبو احسن من ولاشي.. وان شالله يارب أهل فلسطين بيكونو على قد هالحمل وبتتحرر فلسطين وكل العرب بيجوا يصلوا بالاقصى...وبالحكي عن الاقصى لاحظتو انه الموقع بيشمل مواقع دنية ادخلوها وستفيدو منها كل موقع مفيد اكتر من التاني ,الكل بنفكر انه عنا وعي ديني وكلنا بنفهم بالدين بس للاسف كل الي عنا مجرد ثقافة بسيطة اتعلمنها بالمدرسة لانها كانت ضمن المواد والي مش من ضمن المواد الاساسية ,كمان غريب هالموضوع ! طولت عليكم بالحكي .. حتلاقو بالمدونه مواضيع خاصة بمخيم جنين ومجزرة جنين مع انه أنا من مدينة رام الله .. بس جنين أسطورة مالازم ننساها وكل مدينة بفلسطين أسطوره بس جنين الصمود جنين الكفاح مدينة الشهداء لهيك كان العنوان الرئيسي جنين ... لن ننساكي... ولي صار واضح انه حغير العنوان لجنين وغزة مع الي حاصل.أخر شي يارب تعجبكم هالمدونة الي لسه مافيها شي الا مجرد افكار
وان شالله لنا لقاء بشي اكترمن هيك ....والسلام عليكم ورحمة الله وبركاته
الفلسطنية
09 يوليو, 2006 06:16 م