ღجنــــ لن ننساكي ــــينღ

مش بس داعية شاطرة وفهمانة
ولا مثقفة ومؤرخة مهمه
لكن طباخة شاطرة
ولا الشيف رمزي

حلو كثير نقل الوصفة بهذا الشكل
بالكلمة والصورة


صحتين أكلناها أول يوم وثاني يوم كمان

وبالباذنجان كمان

حماتي شاطرة كثير بعملها

والله يخليها هي وأمي
ولكن أشتاق لأكل أمي فهي بالقدس وأنا هنا بعيد عنها

أحن إلى خبز أمي
وقهوة أمي



دمت بخير

إلى أمّي

أحنُّ إلى خبزِ أمّي
وقهوةِ أمّي
ولمسةِ أمّي
وتكبرُ فيَّ الطفولةُ
يوماً على صدرِ يومِ
وأعشقُ عمري لأنّي
إذا متُّ
أخجلُ من دمعِ أمّي
* * *
خذيني، إذا عدتُ يوماً
وشاحاً لهُدبكْ
وغطّي عظامي بعشبٍ
تعمّد من طُهرِ كعبكْ
وشدّي وثاقي..
بخصلةِ شَعر..
بخيطٍ يلوّحُ في ذيلِ ثوبكْ
أمي أمي أمي
* * *
ضعيني، إذا ما رجعتُ
وقوداً بتنّورِ ناركْ
وحبلِ غسيلِ على سطحِ دارِكْ
لأني فقدتُ الوقوفَ
بدونِ صلاةِ نهارِكْ
هرِمتُ، فرُدّي نجومَ الطفولة
حتّى أُشارِكْ
صغارَ العصافيرِ
دربَ الرجوع..
لعشِّ انتظاركْ..


الله عليك يا ابن بلادي فكرتني بهالقصيدة والاغنية.
والله نزلت دموعي.

وألف صحة وعافية على المقلوبة مش حكيت كل الفلسطينية لازمياكلوها بأول ايام رمضان !!!ويسلموا ايديها حماتك .
ويخليك أمك وترجعلها بالسلامة يارب.

الله يسامحك بس !!!

ليش هالعذااب ؟؟؟؟

احنا عزابية وبعاد عن أهلنا ومش لاقيين أكل مثل الناس..الله يسامحك بس..منك لله :)

طب ابعتيلي صحن ؟؟

صحتين :)

My computer doesn't write arabic, asfa :( el ma2looba bitshahi, bas atyab akleh falastineeya, (we kaman bas ahl el Quds bi3rafooha!) heya el khiar el mahshi, yuummm

اختي الفلسطينه

رمضان كريم
وكل سنه وانتم بخير
وكان الله في عونكم وفرج كربكم ويسر أمركم آمين
أما المقلوبه فالله يسلم ايديك أحلى أكلة عند أختك ممكن تبعتي لي طبق لذوق بس
الله يعيد رمضان علين وعليكم في احسن حال
لك أطيب امنياتي

ابن بلادي ابن جنين
اول شي مبسوطة كتير ان كلمة ابن بلادي كترت بالمدونة ماشالله ابن بلادي ابن سلوان وابن جنين وابن بلادي حسن نعيم و..... ياربي يطرح البركة فيكم.
طيب انته ليش زعلانة لهدرجة ماهي المقادير قدامك وماشية معك خطوة خطوة يعني سهل كتير تعملها!!!!
ويا سيدي ازا ماعرفت هي عمي ياسر /عاشق الجمال عندك بالأردن يعني ممكن يعزمك عندو على أحلى طنجرة مقلوبة.
بس برضوا ليش شاي وايديك فاضية انو لحد هلا ولا حد جاب صحن كنافة حبة قطايف ولا كمان ما عندكم محلات للحلويات؟؟
سمعت جنين مشهوره بالهريسة؟؟
مزبوط هالحكي؟

queenie
كل عام وانت بخير وان شالله رمضان خير وبركة عليك وعلى كل المسلمين
هوا الخيار المحشي زاكي كمان بس مش لدرجة انو ازكى من المقلوبة!!!!!!!
مستحيل بزعل منك هيك!!!
ازا اهل القدس شاطرين فيها
لازم ندوق ونجرب .
رمضان كريم

ترنيمة حياة
شو هالاسم الحلو؟؟؟
كل عام وانت بألف خير يارب
وينعاد عليكي بالصحة والعافية.
من عيوني أحلى طبق ببعتلك
بس هاتي انتي طبق لعبي.
ان شالله كل رمضان وانتي وكل
حبايب قلبك بألف خير.

جزاكم الله خيرا أختي . و كل عام و انتي بخير.

سمعت من الأخبار ما لا يسر المقربين و يسعد الأعداء .. ماذا حدث بين أبناء البلد الواحد .. و ما بال فتح و ما دهاها؟!!

أتمنى أن يكون أخوتنا في فلسطين بخير جميعا.

هاهاها...

متفائلة كتير..انا اذا عملت كاسة شاي بكون منيح :)

والله جيت ايد ورا وإيد قدام لانو طفران شوي هالايام ;)

اه هريسة جنين جميلة :)

والله يا أخي باب البحر ما عارفة شو احكيلك والله هاد شي جديد على ابناء فلسطين طول عمر الدم الفلسطيني مقدس وخط احمر مستحيل حد يتجاوزه, طول عمر اليد الفلسطينية والسلاح الفلسطيني بس يرفع بوجه الصهاينة
لان الايادي الفلسطينية مازال فيها جرح واحد جرح الاحتلال, طول عمره في مشاكل بين فتح وحماس لكن ابوعمار الله يرحمه كان دايما حريص على ابعاد الايادي الخفية عن النيل من الوحدة الفلسطينية بس من وين هلا فلسطين حتلاقي ياسر عرفات ولا الشيخ احمد ياسين؟؟
مش عارفه شو صارلهم انا والكل عارف انه في ايادي خفية طبعا فلسطينية بس مشدود عليها صهيونيا
هوا الصراع على البقاء؟
ولا المناصب ومين الاقوى؟
ولا مين الافضل ليحكم فلسطين؟
ولا هي بس صراعات عشان الصراعات؟
ولا هوا خلصوا اليهود وارضنا زال منها الاحتلال؟
وفضينا لبعض؟
عارفه انو الشعب فعلا مقهور ووالله والله والله في ناس مش لاقية الخبز والوضع سيء جدا بس مش لهدرجة انو الدم يباح ويصير رخيص لهدرجة.
ممكن اقول انو حماس اختارت الوقت الغلط بدخولها للحكومة لانو اصلا الحكومه الي كانت موجود من ابو مازن وشلته كلهم عبارة عن عملاء وياريت عملاء بسرية لا عالمكشوف كمان, وين ايامك يا ابو عمار ؟؟؟
حماس مكان لازم تدخل هلا لان القضية الفلسطينية صارت معقد جدا بهاي الفترة احتلال ودمار ومحاولات سلام فاشلة وطبعا الحكومة بدها يكون في اعتراف بسرائيل وحماس هي المقاومة ومستحيل بيوم وليلة حماس تعمل حل سحري لكل الي بصير.
اي نعم حركة فتح هلا بطلت حركة فتح زمان .
بس حماس لازم تراجع حساباتها لان مستحيل الشعب يصبر اكتر من هيك بدون رواتب ولا اكل والله هاد ظلم.
كل الصراعات صارت على المقاعد وكبارنا نسو الشعب ونسوا اصلا فلسطين وصارت فلسطين ضحية والشعب الفلسطيني ضحية اصحاب المصالح وعمالقة السياسة والنفوذ والي بس همهم الكراسي ويدفعوا لصغارهم في وقت صار الواحد يقتل اخو عشان يطعم ولاده.
مستغربة من ابناء شعبي الي مش قادرين يفهموا الي بصير حواليهم .
حسبي الله ونعم الوكيل
في كل ظالم وكل واحد حلل الدم الفلسطيني.
أخر شي اخي باب البحر خسارة فيهم كلمة فتح لان فتح أشرف من هيك بكتير.
ومش هاي هي فتح أبدا.
ربي يحمي المقاومين وينصرهم.

بس تعقيب بسيط..

بلا فتح بلا حماس..الوطن فوق كل اعتبار.

المناضل بناضل من أجل الله ثم الوطن, مش عشان تنظيم معين..

هذول اللي شفتهم عالاخبار شوية شباب ساقطين , زعران, معاهم أسلحة الله اعلم من وين جابوها, ونازلين تخريب..

مثل ماقلت..هذا كلام يسر العدو.
ولا حول ولا قوة الا بالله بس.

ابن بلادي ابن جنين
اول شي ربي يفرجها عليك ويرزقكوخلص مسامحينك بس عالعيد ما راح اقل اي عذر.
ربي يجمعك باهلك ويعملولك كل الاكلات الطيبة.
وفعلا صدقت التعبير انا كنت مستحية اكتب هيك لان بعز عليا انو يكون في عنا شباب بهيك اخلاق.
الله يهديهم يارب والله صرنا فرجة للي بيسوى ولي ما بيسوى.

شو هاد يا بنت بلادي
مثل ما قال اخويا ياسر ولا الشيف رمزي .
والله المقلوبة هاي من كتر ما منظرها لذيد حاس اني شام ريحتها.
الله يرضى عليكي الحقي اخوكي بصحن عالسريع. والحلو خليه للعيد.
اما حماس وفتح زي ما قال اخوي عبد بلا حماس بلا فتح وهدول كم واحد قبض وعبى جيبته ونزلوا
وشعبنا ماشالله بشيش وبده عرس ويرقص فيه.
ما النا غير نقول حسبنا الله ونعم الوكيل في كبارنا.

ابن بلادي محمود
ان شالله ببعته في البريد السريع.
والف صحة وعافيه مقدما.
والله انا كنت بدي اكتب موضوع كامل عن هاي الاحداث بس قلت لليش نقعد ننشر بغسيلنا خلي الطابق مستور.
لكن ما شالله الكل صار واصله فضايحنا وقلة عقلنا.
الله يهدي نفوسهم ويبعد عنا ولاد الحرام الي كتروا بهالكم يوم.

السلام على حبيبتى وشقيقتى
اولا اعتذر عن التاخر فى الرد ولكن مسالة الصور لازلت فى ايطار البحث لان عملية الشرح تحتاج الى صور..ولى سؤؤؤؤؤال مين وين عرفتيه؟؟؟؟
والله والله شهتينا ويظهر انك طباقة فى القمة ...و باذن الله ساجربها واردك خبر... لكن ماهى ""الزهرة""؟؟
......سازيد من مجهودى وازيدك فوق المقروط حلوى ثانية جزاء تاخرى
ولى عودة باذنه لان الساعة عندى الان 05.20 صباحا
على فكرة تحية من امى وتقول لك ""رب يعيشك"". لكى ولجميع اخوتنا الفلسطنيين
ورمضانكم كريم جميعا
وكما يقال بالجزائرى ""صح فطوركم"" كل يوم
نلتقى باذنه

السلام عليكم
نسيت شىء
اختى نعن شاركت فى منتدى مجاهد ولكن ليس باسم زهرة الايمان ولا اسم سارة لان ازهرة الايمان وجدته محجوز
ولكن لن اخبرك باسمى حتى استطيع اضافة مقال جديد؟؟؟؟
وجزاك الله كل خير حبيبتى على اهتمامك وبارك فى اخى باب البحر
الى الملتقى باذنه فى المنتدى..

أختي وحبيبتي فالله زهرة الإيمان
خلص ياستي معاكي للعيد تجهزيلنا الوصفة المهم نتحلى شي جزائري.
أما كيف عرفتها كان لي جيران بأمريكا من العاصمة من الجزائر والحمدلله علاقتنا كتير كانت قوية وكانت الأم شاطرة كتير بالحلويات والخبز الفرنسي وعلمتني اياه كمان وتعلمت كم كلمة كنت موت ضحك لما اسمعهم تتمسخربيا انته
ونحوس عليها وبزاف وكتير كلمات بس اشهدلك انوالجزائرين شعب طيب بزاف ربي خليكم وسلامي لوالدتك وكل اهلك وبالفلسطيني كل سنة وانتو سالمين.
اما بخصوص المنتدى فدورنا فعلا على زهرة الايمان على كل حال حتلاقي لي رسالة ترحيب بك في ركن ونلقى الأحبة باسمي فلسطينية لان برضو الفلسطينية كان محجوز شكلها مؤامرة حجزوا اسامينا!!!!
وانتي ممكن تراسليني من خلال الرسائل الخاصة بالمنتدى.
يلا ديربالك على حالك
يعني خلي بالك من نفسك
وياريتو ألف صحة وعافية على قلبك.

مرحبا أختي الفلسطينيه حابب أسلم على الكل من خلال مدونتك وحابب أقول اشي للكل
أخواني الي بصير في فلسطين هلا بداية الطوفان الي راح يمحي الاحتلال مش مشكله نجوع مش مشكله نذبح المهم انو فلسطين حبيبتنا تتحرر أنا من هنا من الغربة الي فرضتها علينا الازمان بقول راح نرجع واحنا رافعين راسنا لانو فلسطين عزتنا ولا يهمك أختي الفلسطينيه راح ناكل مقلوبه بأرضنا وفوق سماها وعلى ترابها عشت يافلسطين بحبك الذي يجري داخلي
واخر الكلام سلام
أخوك المـalmoazabـعذب

السلام عليكم
والله فرحتينى بزاف بزاف بزاف ..لما قلتيلى راك تفهمى اللهجة الجزائرية ...
وماشى غير تفهميها !!!..مادام فهمتى ""تمسخر بيا انته"" راكى هايلة.
والله والله صحيتى بزاف بزاف حبيبتى بصح رانى نحوس على الصور ولازم نلقاهم ولا (او) لازم نخدمو باش نصورو بيدى و ما تزعفيش ""تغضبى"" علينا ...ياك ""هل انت موافقة"" !!
وصحيتى على الرسالة رانى رايحة ليها بربى انشاء الله..
هل فهمتنى كل الكلمات ام لا؟؟؟
وجزاك الله كل خير حبيبتى و""رب يعيشك"" ولك تحية من عائلتى جميعا ومن مدينتى ومن وطنى
الى الملتقى باذنه

جزاكي الله خيرا أخت فلسطينية . ربنا يهديهم جميعا . و الله لن يربح سوى اسرائيل التي ستكسب الحرب دون اطلاق رصاصة . ساءني خبر مقتل قيادي في حماس و اظن انها عملية اسرائيلية لتأجيج النار.

اللهم رد كيد اليهود . و أصلح ذات بيننا.

-------------------------

* أهلا أخت زهرة الإيمان . أم أقول "منة الرحمن" ؟! و مرحبا بك

أخي ياسر
بارك الله فيك على هذه الكلمات التي تفيض بالوطنية وعشقك بلادك فلسطين.
ان شالله يكون كلامك صحيح وفعلا تكون هاي البادية لتحرير فلسطين.
ومعك انه مش مهم نجوع ومش مهم نذبح بس اقل شي ما نذبح بعض يعني!!!
وان شالله كل غايب عن فلسطين يرجعلها يارب

حبيبتي الجزائرية
زهرة الايمان منة الرحمن شو هالاسامي الحلوة.
هلا من اليوم ما تكتبي الا جزائري
والكل ياريت يكتب بلهجتو.
وانا بشوف كلامك "وراكي هايلة" عن جد حسيت اني بحكي مع فاطمة الزهراء جارتنا
والله اساميكم كتير حلوه فالجزائر.

المهم حوسي وخدي راحتك بتحويس
احنا هون مش رايحين ولا محل مدام الموضوع فيه مقروط

وخدمي بيدك ويسلموا مسبقا طبعا قصدها تشتغل بإيديها انا صرت مترجمة كمان... وانا مش حزعف عليك موافقة يا عسولة خدي راحتك.

والحمدلله فهمت عليكي تراني هايلة باللهجة دي
هههههههههههههههههههههه
سلام حبيبتي

أخي باب البحر
صدقت والله فلن يربح ولن يستفيد من كل هذا الا اسرائيل.
على فكرة أخي كمان في قيادين من فتح اغتيلوا من فترة وطبعا اتهموا حماس واكيد هلا بمقتل قيادي حماس حيقولوا فتح والموضوع كله من فعل اسرائيل.
وطبعا انا ما عندي شي اسمه فتح وحماس لام كلهم شباب بلدي ودمهم غالي علي ويعز علي كتير هالدم الطاهر المقدس ينزل كمان على ارض ظاهره مقدسة بطريقة بشعة
قال الله تعالى ( وَمَنْ يَقْتُلْ مُؤْمِناً مُتَعَمِّداً فَجَزَاؤُهُ جَهَنَّمُ خَالِداً فِيهَا وَغَضِبَ اللَّهُ عَلَيْهِ وَلَعَنَهُ وَأَعَدَّ لَهُ عَذَاباً عَظِيماً) (النساء:93)
عن النبي -صلى الله عليه وسلم- قال ( لزوال الدنيا أهون عند الله من قتل رجل مسلم ) رواه النسائي (3987)
والله خسارة هالشباب يروحوا هيك
في أرض الشهادة
الله يهديهم ويصلح حالهم .

http://truejesus.jeeran.com/

أخي باب البحر
شو الي عم بصير شو المكتوب بالمدونة؟؟
لهدرجة احنا صرنا عدوانين
والله انها حرب صليبية على كل شي مسلم.
حسبي الله ونعم الوكيل فيهم.

معذرة اختي. لم أوضح لكي الموضوع من بدايته

ستجدينه هنا

http://babalbahr.jeeran.com/archive/2006/10/102450.html

السلام عليكم اهلين اخت فلسطينيه اعرف عائله فلسطينيه و كنا معزومين عندهم في بدايه رمضان الكريم و كانت المقلوبه الطبق الرئيسي هي كثير طيبه بس انا اكثر شي اكلت ملوخيه تسلم كل ايد فلسطينيه و شو ما عملت . شكرا و السلام عليكم

Looking good yam yam

أخي باب البحر
أنا تابعت الموضوع كله من مبارح لليوم بس عن جد والله شو هالروح الي عندك?!! النهايه و أشك انها حتكون النهايه!! كانت روعة بعد كل حرقة هالدم وصلت للي بالي بالك ومن هون أنا بدعوكم لدخول مدونة "الي بالي بالك عليه الصلاة والسلام".
http://ellebalybalak.jeeran.com/
الله يوفقك لكل مايحبه ويرضاه

أخي باب البحر
أنت دخلت موضوعين بالمقال موضوع غزة وسيدنا المسيح عليه السلام وتابعت معك فيهن.
بس ما حكتيلي شو رأيك بالمقلوبة؟؟

الأخ أو الأخت الي الأسم مو ظاهر ولا حتى العلم بس من خلال الايميل اعتقد ان حضرتكم من ليبيا؟؟؟
شي بيسعدني أسمع أنو أهل فلسطين متمسكين بعاداتهم وين ما كانوا.
حتى بالأكل والعزايم وأكيد حتكون المقلوبة الطبق الرئيسي لو حتى جنبها خروف محشي .
الملوخية كمان زاكية بس مش قد المقلوبة طبعا.
ريتوا ألف صحة.

أخي hamede
من الهم تاعتك باينها عجبك كتير.
ريتو ألف صحة وعافية.
وكل عام وانت بخير .

بارك الله فيكي أخت فلسطينية و شكرا لتفاعلك

المقلوبة؟ أعتقد ان حضرتك سبق و وضعتيها بمنتديات مجاهد ! أليس كذلك؟

أعتقد أن هذه الأكلة محتاجة "تتعدل" .. لأنها "مقلوبة" !

فقط هذا ما لاحظته.

مزبوط أخي باب البحر
ضفتها بمجاهد
بس هون عشان سهل عليكم كان في صور.
بزعل منك ها شو تتعدل هاي مقلوبتنا
أحلى وأطيب أكلة بالعالم
طيب أسال أي حد فلسطيني بقلكم أنتو خسرتوا نص عمركم لانكم ما عمركم أكلتوها.
جربها وراح تدعيلي.
على فكرة انا لسه بستنى بالبشاميل .
غير الوصفة الي بعتتها أحدى المجاهدات.
بدي الوصفة من" أحسن واحدة في الدنيا كلها بتعمل المكرونة بالبشاميل".

******************************
بدي الوصفة من" أحسن واحدة في الدنيا كلها بتعمل المكرونة بالبشاميل".
******************************

بارك الله فيكي أختي . حفظ الله والدتك و والدكي

يسلموو ايديكي فلسطينية

الأكلة كتيير شعبية ومشهووورة

بس مو المفضلة عندي للأسف

المهم خلي طريقة عملها محفوظة بالمدونة يمكن الواحد ادا سافر شي يوم يحن لاكلها

مشكوورة على الوصفة

وصحة وعافية

حبيبتي الفلسطينية كل عام وانتي بألف ألف خير وحشتيني جدا جدا وتسلم ايديك علي الوصفة التي أحبها موت موت ودائما ما أطلبها من أمي الغاليه لتعملها لي وهي تعلمتها منذ أكثر من ثلاثين عاما من صديقتها الفلسطينية حيث كنا في السعودية معا وان شاء الله ازور امي في اخر رمضان في الأسكندرية وتسويها لي بس ربنا يديها الصحة وشكرا لكي جزيلا علي الشرح المصور لاني اريد تعلمها واسويها بنفسي
ودائما متميزة بموضوعاتك المتنوعة
دمتي بخير

الفلسطينية الفلسطينية
ابنة بلدي الدبوانية

هلأ بنا طبخة ثانية
( المسخن ) بالزيت البلدي

والكنافة النابلسية

وشكراً للجميع على تذكري في تعليقاتكم


دمتم جميعاً بخير

فعلا حبيبتي الغالية كما ذكر ابن بلدك عاشق الجمال نريد منك تلك الأكلات لأنني عندي الطريقة ولكن وجدتها تختلف عن التلفزيون نرجوا منك الطريقه الأصلية وشكرا لكي .
علي فكره لقد قمت بالتعليق قبل ذلك ولكن باسمي عبير بسيوني وبانتظار الأكلات

تحية طيبة ازفها لك من ارض الحرمين الطاهرة الى بلادي ارض الحرية ارض الوفاء وفاء الدم وفاء الروح وفاء العهد عاهدناك يافلسطين بان نطرد منك العدو اللعين تحية لك من قلبي لترابك لسمائك لمائك ارض عرج منها اشرف الخلق اجمعين
اما بعد اختي الفلسطينيه صدقيني باني احسدك على نعمة اغتصبت من يدي قهرا احسدك لانك تتنفسي هواءفلسطين وترقدي تحت سمائها فهنيئا لك
للمعلومة مدونتك لم تقتح معي بسهولة لاادري مالسبب ولكن بتطلعلي رسالة ساكتبها لك!!
لا يحتوي هذا الموقع على ملفّ الفهرس

No index file found in folder !!



index.html اذا كنت مالك هذا الموقع و ترى هذه الصفحة , الرجاء اضافة الاتي لموقعك

This directory does not contain an index file.If you are the site owner and see this page, make sure you have an index.html file in this directory
واخر الكلام سلام
أخوك
المـalmoazabـعذب
دعوة لك لزيارة ارض مدونتي ارجو ان تقبليها سأنتظرك

وينك طلوا علينا
؟؟؟؟؟؟؟؟؟؟؟؟

السلام عليكم ورحمة الله وبركاته
الله يسامحك يا فلسطينيه
دخلت مدونتك وانا صايم ويا ريتني استنيت لبعد الفطار
بعد ما شفت مقالك لعابي سال وحالي بقى حال عصافير بطني بتصرخ دلوقت بسببك
على العموم اتمنى لك التوفيق والمزيد المفيد
وانتظرك زيارتك لصفحتي وابداء ارائك وتعليقاتك
www.gharamoh.jeeran.com
احمد بهاء
والسلام عليكم ورحمة الله وبركاته

ااااااااااااااااااااااه من الغربه
سامحك الله بكى قلبي قبل عيني بكاء كان بالدموع واخر كان بالددماء
دامت بلادي شامخة عزيزه أحبك يافلسطين أعشقك يابلادي حماك الله
شكرا لك اختي الفلسطينيه ياقمر فلسطين
واخر الكلام السلام

اخوك المـalmoazabـعذب

اختي الفلسطينية

تسلمي على هالوصفة و صحتين على قلبك

دايما متميزة بمواضيعك

دمتي بالف صحة و سلامة انتي و الشعب

الفلسطيني الله معاكم و حاميكم

دمتي لنا اخت عزيزة

اخ ياسر

تفضل انت مدعو الى القيام بجولة من خلال مدونتي للتعرف على المغرب و بالخصوص مدينتي فاس

ننتضركم

عفوا اختي الفلسطينية وقع غلط في الاسم الدعوة اختي موجهة الك ارجو تقبل اعتداري

اختي الفلسطينية

تفضلي انتي مدعوة الى القيام بجولة من خلال مدونتي للتعرف على المغرب و بالخصوص مدينتي فاس

ننتضركم

السلام عليكم ورحمة الله

مرحبا أختي

يمنعني الخجل دائما من الدخول إلى مدونتك..لكن رغم ذلك ، عيد مبارك عليك وعلى أم المشاكل العربية أرض المجاهدين ، (فلسطين)

حفظك الله ورعاك

الفلسطينية

كل عام وأنت بألف خير

عيدكم مبارك وسعيد


دمتم بخير

الله عليكى يا اختى
شويه اكلات فعلا تجوح الواحد
جات فى وقتها
وخاصة ان العيد اتى خلاص
ربنا معاك
ومبروك على عودة المدونه

موقع مميز غير تقليدي
اتمنى لك التوفيق والى الامام
مدونة رائعة و مقالتك هادفة
ادعوك لزيارة مدونتي

لا تبخلوا علينا بالزيارة
دمتم بالف صحة و سلامة

www.adnandd.jeeran.com
المخلص : عدنان ابوصبح

موقع مميز غير تقليدي
اتمنى لك التوفيق والى الامام
مدونة رائعة و مقالتك هادفة
ادعوك لزيارة مدونتي

لا تبخلوا علينا بالزيارة
دمتم بالف صحة و سلامة

www.adnandd.jeeran.com
المخلص : عدنان ابوصبح

يعطيكِ ألف عافية !!! واحنا الفلسكينيين بشكل عام شطرين بالطبخ وكل طبخاتنا بتشهي !!!

يعطيكِ ألف عافية !!! واحنا الفلسكينيين بشكل عام شطرين بالطبخ وكل طبخاتنا بتشهي !!!